Зімой традыцыйна ў Інстытуце інклюзіўнай адукацыі БДУ разгортваецца прафарыентацыйная дзейнасць. Да яе далучыліся студэнты групы 280317. 3 снежня 2020 года ў ДУА «Сярэдняя школа № 180 г. Мінска» студэнты 4 курса спецыяльнасці «Тыфлапедагогіка» Мядзведзева Аляксандра і Каралёва Аліна сустрэліся з навучэнцамі 11 класа. Сустрэча адбылася пад кіраўніцтвам старэйшага выкладчыка кафедры карэкцыйна-развіваюўчых тэхналогій Куралені Алены Сяргееўны.

Студэнты паведамілі пра спецыяльнасці, па якіх адбываецца падрыхоўка настаўнікаў-дэфектолагаў у Інстытуце інклюзіўнай адукацыі. Правялі майстар-клас «Як пісаць у прыборы Брайля», падчас якога будучыя абітурыенты пазнаёміліся з правіламі пісьма рэльефна-кропкавым шрыфтам, паспрабавалі свае сілы ў гэтай дзейнасці.

Шмат пытанняў выклікалі дзейнасць настаўніка-дэфектолага, магчымасці навучання ў магістратуры, і, нарэшце, якія прадметы трэба здаваць на ЦТ, якія прахадныя балы былі ў апошні год.