1 верасня 2016 года ў адпаведнасці з загадам рэктара БДПУ ад 4 ліпеня 2016 года № 67 на базе факультэта спецыяльнай адукацыі адкрыты Інстытут інклюзіўнай адукацыі.

Актуальнасць стварэння Інстытута інклюзіўнай адукацыі абумоўлена далучэннем Рэспублікі Беларусь да Канвенцыі аб правах інвалідаў, прынятай ААН у 2006 годзе і ратыфікаванай у нашай краіне ў 2016 годзе. Дадзеная канвенцыя вызначае абавязак дзяржаў-удзельніц Канвенцыі забяспечваць інклюзіўную адукацыю на ўсіх узроўнях і навучанне на працягу ўсяго жыцця.

Інклюзіўная адукацыя - сусветная тэндэнцыя развіцця агульнай адукацыі, якая прадугледжвае ўключэнне ўсіх дзяцей незалежна ад існуючых паміж імі адрозненняў (у тым ліку дзяцей з асаблівасцямі псіхафізічнага развіцця) у адзіны адукацыйны працэс. Ідэя інклюзіi нарадзілася ў рамках маштабных зменаў у разуменні правоў чалавека, яго годнасці, ідэнтычнасці. Яна прадугледжвае гнуткую трансфармацыю адукацыйнай сістэмы ў адпаведнасці з індывідуальнымі патрэбамі, пазнавальнымі магчымасцямі і здольнасцямі кожнага дзіцяці.

У Рэспубліцы Беларусь прынята Канцэпцыя развіцця інклюзіўнай адукацыі асоб з асаблівасцямі псіхафізічнага развіцця і распрацаваны план яе рэалізацыі на 2016 - 2020 гг. Аднак, у міжнароднай практыцы інклюзіўная адукацыя разглядаецца шырэй, так як арганізуецца для забеспячэння роўных магчымасцяў у атрыманні адукацыі навучэнцамі з рознымі адукацыйнымі патрэбамі (адоранымі і таленавітымі дзецьмі; дзецьмі з парушэннямі паводзін, дэвіянтнымі паводзінамі; дзецьмі, якія прадстаўляюць нацыянальныя меншасці і дзецьмі з сем'яў мігрантаў, бежанцаў, вымушаных перасяленцаў; дзецьмі, якія знаходзяцца ў сацыяльна небяспечным становішчы; дзецьмі з асаблівасцямі псіхафізічнага развіцця і інш.) Такі подыход абумоўлівае неабходнасць пашырэння спектру задач, якія патрабуюць вырашэння.

Сёння Інстытут інклюзіўнай адукацыі ажыццяўляе падрыхтоўку спецыялістаў на ўзроўні спецыяльнай вышэйшай адукацыі па спецыяльнасці «Спецыяльная і інклюзіўная адукацыя» з прафілізацыямі:

• Дашкольная лагапедыя
• Лагапедчая дапамога дзецям школьнага ўзросту і дарослым
• Адукацыя асоб з аўтызмам
• Алігафрэнапедагогіка
• Сурдапедагогіка
• Тыфлапедагогіка

На ўзроўні паглыбленай вышэйшай адукацыі (магістратура) па спецыяльнасці «Інклюзіўная адукацыя» з прафілізацыяй «Карэкцыйная педагогіка» (дзённая форма атрымання адукацыі) і па спецыяльнасці «Інклюзіўная адукацыя», у тым ліку з прафілізацыямі «Мадэрнізацыя дзейнасці псіхолага-медыка-педагагічнай камісіі у сучасных умовах», «Ранняя комплексная дапамога дзецям з асаблівымі адукацыйнымі патрэбамі», «Псіхолага-педагагічная падтрымка навучэнцаў з аўтызмам» (завочная форма атрымання адукацыі).

Структура Інстытута інклюзіўнай адукацыі ўключае наступныя падраздзяленні:

• кафедра карэкцыйна-развіваючых тэхналогій
• кафедра лагапедыі
• кафедра педагогікі і псіхалогіі інклюзіўнай адукацыі
• кафедра спецыяльнай педагогікі
• вучэбна-арганізацыйны аддзел
• вучэбная лабараторыя па развіцці інфармацыйна-камунікацыйных тэхналогій  «Адукацыя без межаў»
• Рэспубліканскі цэнтр развіцця інклюзіўнай адукацыі, створаны па ініцыятыве і пры падтрымцы Дзіцячага фонду ААН (UNICEF).

Загадам рэктара прызначана адміністрацыя Інстытута інклюзіўнай адукацыі:

• Хітрук Вера Валер'еўна - дырэктар Інстытута інклюзіўнай адукацыі, доктар педагагічных навук, прафесар
• Строгая Юлія Віктараўна  - намеснік дырэктара па вучэбнай рабоце
• Лемех Алена Анатольеўна - намеснік дырэктара па навукова-метадычнай рабоце, кандыдат псіхалагічных навук, дацэнт
• Сергушкіна Вольга Аляксандраўна - намеснік дырэктара па выхаваўчай рабоце
• Кутыш Аляксандр Збыслававіч - начальнік вучэбна-арганізацыйнага аддзела.